Wednesday, August 24, 2011

كيف تقلل ساعات نومك ؟

فى البداية لازم نقول ان المستحيل هو مستحيل لأنه مفيش مستحيل :) 

كثير مننا بيتخيل انه ميقدرش ينام قليل وانه متعود ينام 10 ساعات ولا 6 ساعات وميقدرش ينام أقل من كده ! 
فى الحقيقة كمان بيقنع نفسه ان الانسان لازم ينام من 8 : 6 ساعات علشان يبقى صحيا كويس وهو ده عدد الساعات الطبيعي في حين ان الرسول - صلى الله عليه وسلم - مكنش بينام أكثر من 4 ساعات كان ساعات كمان بينام أقل من كده وده معناه ان وجهة النظر دى غلط !! 

 العقل هو مجرد أداة كل واحد فينا بيمرنها زى ما هو عاوز على الحاجة اللى هو عاوزها .. يعنى فى واحد ممرن عقله على انه بياكل مربى ومبيحبش العسل فبيوهم نفسه انه مستحيل ياكل عسل مع انه فى الحقيقة لو عوّد نفسه على أكل العسل بعد كده هيحبه ! 

وده بالظبط اللى بيحصل فى النوم ... مثلا انت متعوّد تنام 8 ساعات يوميا لو نمت أقل من كده تقوم مصدع ومش قادر وبيبقى يوم معكنن والشغل واقف ومش مركز 
وده فعلا صحيح لكن للأسف انت لما بتلاقى نفسك كده تانى يوم بتقول الحل انك تنام ال 8 ساعات !! 

الحقيقة باه ان الحل انك تحل المشكلة مش انك تهرب منها 
عاوز تتعود على انك تقلل عدد ساعات نومك بتجربة عملية حقيقية واقعية جرّب النقط العملية دى : 

  1. النوم مبكرا يعنى أقصى حاجة الساعة 11 بالليل واياك من نوم الصبح اللى بيكون بعد الفجر تسهر تسهر وتروح تنام بعد الفجر أكبر غلطة تعملها انك تضيع وقت الفجر لأنه فعلا بركة وهو الى فيه سحر اليوم كله 
  2. كل أسبوع هنقلل ساعة من ساعات نومنا لو بننام من 11 : 5 الأسبوع اللى بعده ننام من 11 :4 وهكذا لغاية ما توصل لهدفك اللى انت حاطه لنفسك بعدد الساعات اللى تحبها 
  3. هتعانى جدا جدا خلال الفترة الأولى وهتحس بعدم الانتاجية وانك مش مركز بس اثبت وجاهد لأنك بتعود عقلك على عادة جديدة عليه فلازم الفترة الانتقالية دى تحصل متعملش زى اللى بيعمل ريجيم ويسيبه من أول أسبوع :) 
  4. الاستيقاظ قبل الفجر بنصف ساعة أو ساعة لصلاة القيام ودى أول حاجة بتخرجك من مود النوم لأن الوضوء ويليه الصلاة بحركاتها بتضخ فى العقل والجسم حركة نشاط عالية جدا وده كان بحث علمى وأنا لما جربت فعلا لقيت ده صحيح ! سبحان الله ! 
  5. صلي الفجر واقرأ ورد القرآن لغاية الشروق مثلا وقول الأذكار فى البلكونة وانت فى جو منعش جداااا وبعدها مباشرة العب رياضة لمدة نصف ساعة على الأقل .. اى رياضة حتى لو جرى فى المكان وبالشكل اللى تحبه 
  6. جهز فطار صحي فيه مكونات غذائية متكاملة لأن اهم وجبة فى اليوم هى الافطار .. (فول - جبنة - بيض - مربى أو عسل ) وبعدين اشرب مشروبك سواء نسكافيه أو شاى أو قهوة أو لبن أو متشربش :)
  7. توكل على الله وابدأ شغلك وصدقنى مش هتندم 

ملحوظة: لو معندكش اصرار مش هتحقق حاجة لأن فعلا الموضوع صعب فى الأول لكن زى ما قلت المستحيل مستحيل ! 

جربوا ومش هتندموا وابقوا ادعولى :))



8 comments:

M.Hmady said...

موضوع جديد... يستحق التجربة !!

elahlawy said...

شكرا على النصايح الحلوة دي
حاول اجربها
:)

future said...

U are welcome :)

محمدعبدالستار said...

تسلمى موضوع جدير بالتجربه ان شاء الله نجرب

ابن حزم الإمام said...

بس سيادتك نسيت الاشارة الا اهم عنصر مساعد بل اهم ركن لا مفر منه وهو ترك الذنوب ووالله ألفيت علاقة وطيدة طردية بين ترك الذنوب وترك النوم ومن شاء أن يسفه رأيي فليفعل وستذكرون ما اقول لكم

mooky said...

من اهم الاشياء ان تضع في ذهنك عبارة النوم ببركتة وليس بكثرتة سمعتها من أحد الصالحين

mony said...

ماهو انا قعدت امرن نفسى انى انام 8 ساعات او 7 المشكلة والله ببقى بعيط من كتر منفسى اصحى بس مبعرفش اتحكم فى نفسى وانا نايمة انا بقوم الغى المنبه وانام واقول محدش يصحينى سبونى بجد والله انا تعبت جداااااااااااااا انا ببقى تعبانة من الدروس وجسمى ببقى مش قادر يقوم من السرير ....بجد الى يعرفلى حل اعمله يكلمنى mona_mony2012@yahoo.com

Abdullah Baghawitah said...

موضوع جميل ..

و هذا مقال يتحدث عن نفس الموضوع ..

كيف تنام ساعات قليلة دون الشعور بالتعب

http://www.k3af.com/2013/03/sleep-few-hours-without-feeling-sleepless-tired.html